10-ம் வகுப்பு ஸ்கூல் போட்டோ !!!!!!!!

முஸ்கி :  நேரா போட்டோவ மட்டும் பாத்துட்டு போகாம ,  கஷ்டப்பட்டு எழுதுனத படிச்சிருங்க மக்கா.

    நம்ம எலோருக்கும் பள்ளியில் படிக்கும்போது ஒரு அனுபவம் கண்டிப்பா இருக்கும்.. “அது வருசா வருசம் வகுப்பு கூட்டாளிகளோட (அதுல பகையாளிகளும்.. உண்டு) ஒன்னா படம் பிடிக்கிறது,”.

அன்னிக்குதான் ஒருங்கா குளிச்சி, தலையில காப்பிடி எண்ணய ஊத்தி படிய தலை வாரி, பவுடரெல்லாம் முகத்துல அப்பிகிட்டு , தொவச்ச சொக்காவ போட்டுகிட்டு , ரொம்ப முக்கியமா , யாருகிட்டயாவது ஒரு கைக்கடிகாரத்த வங்கிகட்டிகிட்டு ( அழுது புரண்டு, கெஞ்சி, கூத்தாடி அழிச்சட்டியம் பண்ணியாவது) சினிமா சூட்டிங்குக்கு போற ஈரோ கணக்கா பள்ளியில ஆஜராய்டுவோம்.(நம்ம அம்மனிக ஒப்பன பன்றத பத்தி, எழுதுனா வழக்கத்த விட பதிவு நீளமா பூடும்,  சிங்கப்பூர் நாட்டாம, பட்டாபட்டி வந்து “ என்னயா படம் 4 மணி நேரம் ஓடுதுபோலனு நக்கல் பன்னுவாரு, அதனால எதுக்கு ரிஸ்குனு எழுதல.)

படம் பிடிக்குற ஆர்வத்துல அன்னிக்கு, காலையில சீக்கிரமா பள்ளிக்கு வந்துட்டு, ”ஏய் நான் நல்லருக்கேனா?”... மதிரியான கேள்விகள புதுசா கேட்டுகிட்டு அலைவோம், போட்ட சொக்கா.. கசங்கிரும்...., தலைமுடி கலைஞ்சிரும்னு... ஆடாம அசையாம நல்ல புள்ளக மாதிரி அடக்கமா ஒர் இடத்துல செட்டில் ஆயிருவோம்.

ஒருவழியா வகுப்புவாரியா கூப்பிடுறதுல நம்ம முறை வந்தவுடனே அடிச்சி பிடிச்சி முன்னால போய் நின்னா, நீ குள்ளம்.. நீ ஒசரம்னு பிரிச்சி, முன்னாடி இருக்குறவங்க நம்மள மறச்சது போக,  நம்ம மூஞ்சி மட்டூம் தெரியிர மாதிரி நிப்பாட்டிருவாங்க. நமக்கு அழுவாச்சியா வரும், கண்ணுல தண்ணி முட்டிட்டு நிக்கும், ஆனாலும் அதயும் மீறி எப்படியாவது நம்மள படம் எடுக்க போறாங்களேனு மனசுக்குள்ள சந்தோசமமும் இருக்கும்.

இப்பதான் இந்த பதிவ நான் எழுதக்காரனமான, ஒரு முக்கியமான ஒருவேலைய எல்லா பசங்களும் பண்ணுவோம் , அது என்னன்னா, வழக்கமா முன்னாடி கைக்கட்டி நிக்கிறா மாறி நிக்காம, கடிகாரம் கட்டியிருக்கிற கையை முன்னாடி நல்லா தெரியுரா மாதிரி நிப்போம்.(அம்மனிக அலம்பல் இன்னும் ஓவராதான் இருக்கும், அவங்க பன்ற …..சரி வேண்டாம் வுட்ருவோம்...)

இடையில, கேமராவுக்கும், தனக்கும் சேத்து கருப்பு துணியால முக்காடு போட்டுகிட்டு,  பிசி ஸ்ரீராம் ரேஞ்சுல ஒருத்தர், ஏய் நீ அந்த சைடு தள்ளு, நீ இந்த சைடு தள்ளு, நேர நிள்ளு , தலைய சாய்க்காதேனு படம்பிடிக்குறதுக்குள்ள ஒரு ட்ரில் மாஸ்டர் கணக்கா சீன் வுடுவாரு. அப்பன் ஆத்த சொல்றதயே கேக்காம அல்வா கொடுத்துட்டு இருந்த நாம, நம்மள படம்பிடிக்கிற மவராசன் சொல்றதால, அடுத்த நொடி கோரிக்கய நெறவேத்துவோம்.

இங்க எழுதுனதவிட இன்னும் அதிகமான கூத்துகளோட எங்க பள்ளியில எடுத்த என் வகுப்பு படத்த இங்கே போட்டிருக்கேன் , நல்லாபாருங்க. கடிகாரம் கட்டியிருக்குரவன்னேல்லம் நல்லா கைய தூக்கி முன்னாடி கமிச்சிருக்கானா?.

 ||| 1988 ம் வருசம் பத்தாப்பு படிக்கும்போது எடுத்த படம். கீழ் வரிசைல வலதுபக்கமிருந்து 5-வதா, நான் நிக்கிறேன். கடன் வாங்கிகட்டுன, கடிகாரமும், பெல்ட் பக்கிள்ஸும் நல்லா தெரியுதுங்களா?.( முன்னாடி நின்ன மவராசி கடிகாரத்த கொஞ்சம் மறச்சிருச்சி..) |||

படம் பிடிச்சி முடிஞ்சவுடனே எனக்கு முன்னாடி இருந்த அம்மணி கூட பெரிய சண்டை, ஏன்னா படம்பிடிக்குரதுக்கு முன்னாடியிருந்தே , என் கைகடிகாரத்த மறக்காம தலைய அந்த பக்கமா சாச்சி நில்லுனு சொல்லிட்டிருந்தேன், ஆனா அந்த மவராசி..., ஓகே ரெடினு சொன்னவுடனே தலைய கடிகாரம் கட்டியிருந்த கை பக்கமா சாய்ச்சிட்டா. அப்புறம் படம் ப்ரிண்ட் வந்து, அதுல என் கைக்கடிகாரம் தெரிஞ்சிதுக்கு அப்புரம்தான், கோவம் கொறைஞ்சிது, அந்த அம்மனி எனக்கு பயந்துகிட்டு 3 நாள் கூலுக்கு வரல.

             ( அப்பாடி  பதிவ சுருக்கமா எழுதிட்டேன்...)

டிஸ்கி : பதிவு பற்றிய கருத்துக்களை அள்ளித்தெளித்துவிட்டு செல்லவும், ஏதும் குட்டனும்னா மட்டும் வலிக்காம குட்டவும். அப்படியே ஒரு ஓட்... போட்ருங்.......